కల్వకుర్తిలో రంగుల సంబరం – వాసవి దేవాలయంలో అంగరంగ వైభవంగా హోలీ వేడుకలు
కలం పవర్ న్యూస్ - తెలంగాణ / కల్వకుర్తి : కల్వకుర్తి, మార్చి 4 ( కలం పవర్ న్యూస్ బ్యూరో ) కల్వకుర్తి పట్టణంలోని శ్రీ వాసవి కన్యకా పరమేశ్వరి దేవి టెంపుల్ ప్రాంగణంలో హోలీ పండుగను అంగరంగ వైభవంగా, అత్యంత ఆనందోత్సాహాల మధ్య ఘనంగా జరుపుకున్నారు. ఆర్యవైశ్య మహాసభతో పాటు వాసవి క్లబ్, వాసవి వనిత క్లబ్ ఆధ్వర్యంలో నిర్వహించిన ఈ కార్యక్రమంలో ఆర్యవైశ్య సభ్యులు, మహిళలు, యువత పెద్ద సంఖ్యలో పాల్గొన్నారు. ఐక్యతకు ప్రతీకగా ఒకే వేదికపై చేరి రంగులతో పరస్పరం అభినందించుకుంటూ హోలీ సంబరాలను ఉత్సాహంగా నిర్వహించారు. ఈ వేడుకకు ముఖ్య అతిథిగా జూలూరి రమేష్ బాబు (ఇంటర్నేషనల్ సర్వీసెస్ సెక్రటరీ) హాజరై కార్యక్రమానికి మరింత శోభాయమానత తీసుకొచ్చారు. ఆయన సమక్షంలో జరిగిన ఈ వేడుక పాల్గొన్నవారికి మరపురాని అనుభూతిగా నిలిచింది. రంగుల హోలీ ఆనందాలు ప్రతి ఇంట సంతోషాలు, శాంతి, ఐశ్వర్యాలు నింపాలని నిర్వాహకులు ఆకాంక్షించారు. సమాజంలో ఐక్యత, సోదరభావం పెంపొందించే దిశగా ఇలాంటి కార్యక్రమాలు దోహదపడతాయని పేర్కొన్నారు.
Admin
Kalam Power News
మరిన్ని వార్తలు
Developed By :
