కల్వకుర్తి వాసవి కన్యకాపరమేశ్వరి ఆలయం లో సామూహిక వరలక్ష్మి వ్రతం
కలం పవర్ న్యూస్ - తెలంగాణ / కల్వకుర్తి : శ్రీ వాసవికన్యకాపరమేశ్వరి దేవి దేవాలయము కల్వకుర్తి లో ఈరోజు శ్రావణ శుక్రవారం సందర్భంగా సామూహిక వరలక్ష్మీ వ్రతాలు నిర్వహించడం జరిగింది. ఈ సందర్భంగా అమ్మవారిని ప్రత్యేకంగా అలంకరించి ప్రత్యేక పూజలు నిర్వహించడం జరిగింది. ప్రతి సంవత్సరం శ్రావణమాసంలో పౌర్ణమి ముందు శుక్రవారం రోజున మన ఆలయంలో సామూహిక వరలక్ష్మీ వ్రతాలు నిర్వహించడం జరుగుతుంది అదేవిధంగా ఈ సంవత్సరం ఆలయ ట్రస్ట్ చైర్మన్ జూలూరి రమేష్ బాబు ఆధ్వర్యంలో నిర్వహించడం జరిగింది. మహిళలు అధిక సంఖ్యలో సామూహిక వ్రతాల్లో పాల్గొనడం జరిగింది. అనంతరం వచ్చిన భక్తులందరికీ భోజన ప్రసాదం అందించడం జరిగింది ఈ కార్యక్రమంలో ఆర్యవైశ్య సంఘం, ఆవోప, వాసవి క్లబ్, వనితా క్లబ్ మరియు అనుబంధ సంస్థల సభ్యులు పాల్గొన్నారు. వరలక్ష్మీ వ్రతం విశిష్టత : శ్రావణ శుక్రవారం ఈ మాసంలో పౌర్ణమికి ముందు వచ్చే శుక్రవారంనాడు వరలక్ష్మి వ్రతాన్ని ఆచరిస్తారు. వరలక్ష్మి దేవిని షోడసోపచారాలతో పూజలు చేస్తే అషై్టశ్వర్యాలు, ఆయురారోగ్యాలు, అయిదవతనం, సంతానాభివృద్ది కలకాలం ఉంటాయని పెద్దలు చెప్పారు. లక్ష్మి దేవి భక్త సులభురాలు. ధనం, భూమి, విజ్ఞానం, ప్రేమ, కీర్తి, శాంతి, సంతోషం, బలం ఈ అష్ట శక్తులని అష్టలక్ష్ములుగా ఆరాధిస్తాము. శ్రీ మహావిష్ణువు లోకాలన్నింటిని రక్షించేవాడు, ఈ శక్తులన్నీ ఈయన ద్వారా ప్రసరించేవే. అతీత విషయాలని సామాన్య మానవులు గ్రహించలేరు. ఈ శక్తులన్నీ సక్రమంగా ఉంటేనే మనకి ఆయురారోగ్య, ఐశ్వర్య, సంతోషాలు కలుగుతాయి. లక్ష్మి దేవికి అత్యంతప్రీతికరమైన శుక్రవారం నాడు పూజిస్తే ఇవన్నిచేకూరుస్తుందని శ్రీ సూక్తం వివరిస్తుంది. అష్టలక్ష్ములలో వరలక్ష్మి దేవికి ఓ ప్రత్యకత ఉంది. మిగిలిన లక్ష్మి పూజలకంటే వరలక్ష్మి పూజ శ్రేష్ఠమని శాస్త్రవచనం. శ్రీహరి జన్మనక్షత్రమైన శ్రవణం పేరిట వచ్చే శ్రావణ మాసం లో వరలక్ష్మి వ్రతాన్ని ఆచరిస్తే విశేష ఫలితాలు లభిస్తాయి. ఈ వ్రతాన్ని వివిధ ప్రాంతాలలో వివిధ సంప్రదాయాలలో ఆచరిస్తారు. ఎవరు ఏ రీతిలో ఆచరించిన సకల శుభకరమైన, మంగళప్రదమైన ఈ వరలక్ష్మి దేవి పూజ జగదానందకరమైనదని భక్తుల విశ్వాసం.
Admin
Kalam Power News
మరిన్ని వార్తలు
Developed By :
