కుర్చీల రాజకీయాలు… బడ్జెట్ కంటే ‘సీటు’కే సీన్!- నిబంధనలు మౌనం… వ్యాఖ్యానాలు గర్జనలు..బడ్జెట్ సమావేశం లొ కుర్చీల రగడ..!!.

బడ్జెట్ సమావేశం లొ కుర్చీల రగడ..!!“బడ్జెట్‌లో లోటు ఉందో లేదో తెలియదు కానీ… కుర్చీల్లో మాత్రం ‘అధికం’ కనిపిస్తోంది!”

కలం పవర్ న్యూస్ - రాజకీయం / మహబూబ్ నగర్ : మహబూబ్‌నగర్, మార్చి 28 ( కలం పవర్ న్యూస్ బ్యూరో ) మహబూబ్‌నగర్ నగర పాలక సంస్థ బడ్జెట్ ప్రత్యేక సమావేశం ‘అంకెల యుద్ధం’గా కాకుండా ‘కుర్చీల కుస్తీ’గా మారింది. డయాస్‌పై ఐదు కుర్చీలు అమర్చడంతో, “డిప్యూటీ మేయర్‌కు కుర్చీ ఎందుకు?” అన్న ప్రశ్న సభలో చిచ్చుపెట్టింది. బడ్జెట్ పత్రాల కంటే కుర్చీల లెక్కలే ఎక్కువగా చర్చకు రావడం విశేషం. సభ ప్రారంభమైన కొద్దిసేపటికే బీఆర్ఎస్ కార్పొరేటర్ జ్యోతి అభ్యంతరం వ్యక్తం చేస్తూ, “ప్రోటోకాల్ ప్రకారం మేయర్‌కు మాత్రమే ప్రధాన స్థానముంటుంది. డయాస్‌పై అదనపు కుర్చీలు ఎందుకు?” అని నిలదీశారు. వెంటనే బీఆర్ఎస్ సభ్యులు బడ్జెట్ ప్రసంగాన్ని బహిష్కరించడంతో సభ వేడెక్కింది. ఇక కమిషనర్ రామానుజుల రెడ్డి స్పందిస్తూ, “చట్టాల్లో ఎక్కడా ‘ఎవరికెన్ని కుర్చీలు’ అనే స్పష్టమైన నిబంధన లేదు” అని చెప్పడంతో, చట్టం మౌనంగా ఉండగా రాజకీయాలు మాత్రం గట్టిగా మాట్లాడుతున్నాయనే పరిస్థితి ఏర్పడింది. ::: చట్టం ఏమంటుంది? (లేదంటే… ఏమి చెప్పదు?) ::: నగర పాలక సంస్థల పనితీరును నియంత్రించే మున్సిపల్ చట్టాలు సాధారణంగా సభ నిర్వహణ, క్వారమ్, తీర్మానాలు, బడ్జెట్ ఆమోదం వంటి అంశాలపై స్పష్టమైన మార్గదర్శకాలు ఇస్తాయి. అయితే: డయాస్‌పై ఎవరెవరు కూర్చోవాలి అనే విషయం ప్రత్యేకంగా పేర్కొనబడదు ఇది సాధారణంగా లోకల్ ప్రోటోకాల్ లేదా సంప్రదాయం ఆధారంగా నిర్ణయించబడుతుంది. మేయర్ సభాధ్యక్షుడిగా ఉండటం మాత్రమే చట్టపరంగా స్పష్టమైన అంశం అంటే… చట్టం కుర్చీలను లెక్కించదు, కానీ నాయకులు మాత్రం ఒక్క కుర్చీ కోసం కూడా లెక్కలు వేసుకుంటున్నారు! ::: కరీంనగర్ మోడల్… ‘ఒక్క కుర్చీ’ సిద్ధాంతం ::: కరీంనగర్ నగర కార్పొరేషన్‌లో అమలు చేస్తున్న పద్ధతిని ఉదాహరణగా చూపిస్తూ, “అక్కడ మేయర్‌కు మాత్రమే డయాస్‌పై కుర్చీ ఉంటుంది. మిగతావారు తమ స్థానాల్లోనే కూర్చుంటారు” అని బీఆర్ఎస్ సభ్యులు గుర్తు చేశారు. అయితే అధికారులు చెబుతున్నది వేరే కథ : అక్కడ అది చట్టబద్ధ నిబంధన కాదు, కేవలం అడ్మినిస్ట్రేటివ్ కన్వెన్షన్ (స్థానిక ఆచారం) అవసరాన్ని బట్టి ఇతర నగరాలు తమకు అనుకూలంగా మార్చుకోవచ్చు. అంటే… కరీంనగర్‌లో ‘ఒక్క కుర్చీ పాలసీ’, మహబూబ్‌నగర్‌లో ‘మల్టీ కుర్చీ మోడల్’! ::: బడ్జెట్ కంటే కుర్చీ బడా? ::: బడ్జెట్‌లో నగర అభివృద్ధి, మౌలిక వసతులు, ప్రజా సమస్యలు చర్చించాల్సిన సమయంలో… కుర్చీలే కేంద్రబిందువుగా మారడం రాజకీయ వ్యంగ్యానికి దారితీసింది. సభలో ఒక సభ్యుడు చమత్కరంగా, “బడ్జెట్‌లో లోటు ఉందో లేదో తెలియదు కానీ… కుర్చీల్లో మాత్రం ‘అధికం’ కనిపిస్తోంది!” అని వ్యాఖ్యానించారని సమాచారం. చట్టం చెప్పని చోట సంప్రదాయం అవగాహన అవసరం. కానీ ఇక్కడ మాత్రం కుర్చీ ఒక్కటే పెద్ద అంశంగా మారి, బడ్జెట్ చర్చే పక్కకు తప్పింది. మొత్తానికి… నగరాభివృద్ధి కంటే ‘ఎవరు ఎక్కడ కూర్చోవాలి?’ అన్నదే పెద్ద రాజకీయ అజెండాగా మారింది

లోకల్ యాడ్స్